|
voluerit sine ulla occasione.
Et si ad hominem de
Nagara necesitas evenerit, vendat quod voluerit, domos, terras, vineas,
hereditates, hortos, furnos, molendinos, aut quamlibet hereditatem suis
vicinis sine ulla occasione.
Et si aliquis in nocte equm, aut aliam
bestiam, invenerit in messe sua, et potuerit eam occidere, proinde non
pectet calupniam, neque ipsam bestiam.
Qui occiderit caballum non
volendo, si de inffancione fuerit caballus mortuus, debet C solidos, si
de villano L solidos.
Qui bobem occiderit pectet XXV solidos; qui
asinum XII solidos et medium.
Qui maurum occiderit XII solidos et
medium, nisi pro eo qui factum habuerit pactum pro sua redemptione.
Et
si homo de Nagara vir aut mulier, filium non habuerit, det hereditatem
suam, et omnem sustanciam suam mobilem, aut in mobilem, quantamcumque
possiderit cuimcumque voluerit, nis ad inffancionem: et villano non
potest hereditare inffancionem in morte.
Et fuerum emendi vel vendendi
panem, et vinum, et carnes, vel pices, et omnia victualia, semper
posuerunt plebs de Nagara.
Si homo de Nagara litem comisserit inter
suos vicinos calupniam pariat regi LX solidos, et exinde medietatem; et
si calidam, aut ferrum, comisserit, similiter pariat LX solidos, et
exinde medietatem pro fuero.
Si rex, aut dominator terre venerit, suus
homo, vel alius homo, non sit ausus bovem alienum, vel vaccam, aut
porcum, aut arietem, aut ovem, aut gallinam, aut aliquid victuale |
|
accipere, neque virum, aut feminam forciare sine suo precio,et si
tanta necessitas fuerit regi, aut dominatori terre, vadat sagio per
pauperculas mulieres, et ubi invenerit gallinas accipiat, et pro
unaquaque gallina det ei pellem arietis.
Et si in tempore estatis
necessitas et inopia aque fuerit, pergant omnes hereditarii, qui sunt
in illo rivo qui currit per mediam civitatem, qui vocitatur Merdanix,
et disrumpant totas illas presas que fuerint de super pro fuero ut
habeant habundanciam aque omnes hereditarii ad molendinos, ad
rigandos hortos.
Et si aliquis
homo ipsam presam de Merdanix disrumperit, habet calupniam LX solidos et exinde pectavit
medietatem.
Et si illas presas que sunt in Najarella aliquis
disrumperit pectavit II solidos et medium.
Et si in tempore
rigandi vineas aliquis homo evacuaverit aquam alienam, et misserit
in aliquo labore suo scientet et probatum ei fuerit, pectavit II
solidos et medium.
Et si serraverit
illam silvam de toto in totum
pectavit XXX solidos, et ille cui fuerit aqua dapnum dupplatum.
In quocumque loco inter terminos de alfoz
homines de Nagara vineas
habuerint, quandocumque voluerint, vindemient sine calupnia, et sine
coto.
Plebs de Nagara debent in illo castello operari in illo açor de
foras cum sua porta et nichil aliud.
Et si
homo de Nagara habuerit talem necessitatem, quod non potuerit ibi habitare, et fuerit in
aliqua villa sub imperio regis, teneat domos suas, terras, vineas, et
quamcumque hereditatem habuerint, et laboret in illa azore de illo
castello cum suis vicinis. |
