 | | | |  | | |||||
| | |
| | | | | | |||||
| | |
|
|
|
Palencia 22 Febrero 1197.—Privilegios forales que le concedió el rey. D. Alfonso VIII.— Cartulario, I, 244.
Presentibus et futuris notum sit ac manifestum, quod Ego Aldefonsus, Rex Castelle et Toleti, quondam illicite accepi a Monasterio B. Marie de Naiara, quandam Villam, nomine Torrecillam, quam dedi Didaco Ximeniz, et uxori sue Dompne Guiomar. Processu vero temporis defuncto iam eodem Didaco Ximeniz, recognoscens in hoc erga Deum, eiusque Genitricern me graviter deliquisse, penitencia ductus proponens illud quod minuslicite, ac presumptuose egeram, ad condignam emendationem, et congruam satisfactionem deducere, emi a predicta Dompna Guiomar pro duobus millibus aureorum prenominatam Villam Torrecillam, et redidi eam supradicto B. Marie Monasterio Naiarensi et Dompno Semeno ejusdem instanti Priori totique Conventui presenti et futuro integre cura omnibus directuris, terminis et pertinentiis suis iure hereditario in perpetuum habendam, et irrevocabiliter possidendam. Siquidem prefatus Prior Naiarensis Ecclesie et Conventus ejusdem loci ex predictis duabus millibus aureorum, mille dederunt, et pro illis, et redditibus, et servitiis, que a prememorata Villa tanto tempore amiserunt, quanto ab eorum jure fuit alienata, et ab aliis detenta, et possesa. Idcirco Ego iam dictus Aldefonsus, Dei gracia Rex Castelle, et Toleti, una cum uxore mea Aleonor, et cum filio meo Ferrando, pro recompensatione predictorum mille aureorum, et redituum amissorum absolvo sepe dictam villam Torrecillam, totumque Concilium ejusdem Ville presens et futurum ab omni mamposta et mampostario, ab omni homicidio et calupnia, fonsado, fonsadera, pecto, posta, facendera et ab omni prorsus Regis tributo et gravamine in perpetuum. Et mando quod Merinus Regis vel Sagio non intret violenter in eam, nec aliquid ibi exigera, seu per violenciam inde occupare aliquomodo quicquam presumat. |
Omnes namque consuetudines, et jura Regalia in eadem ad Regem spectantia dono pretaxato Naiarensi Monasterio ac jure hereditario semper percipienda, et perenniter possidenda absque aliqua diminutione integre concedo: ita quod non liceat michi de cetero, vel alicui successorum meorum, seu posterorum in supra dicta Villa Torrecilla aliquid juris requirere, et hec mee donationis, concesionis, absolutionis, et stabilitatis pagina, rata et stabilis omni tempore perseveret. Sì quis vero hanc cartam infringere seu diminuera presumpserit, iram Dei omnipotentis plenarie incurrat, et cum Juda Domini proditore infernalibus mancipetur penis, et insuper Regie parti centum libras auri purissimi persolvat et damnum quod ibi intulerit duplicatum restituat. Facta Carta apud Palentiam Era m.cc.xxxv viii kalendas Martii. Et ego Rex dictus regnans in Castella et Toleto, hanc cartam quam fieri iussi manu propria roboro et confirmo
Martinus Toletanus Ecclesie Archiepiscopus con.—Martinus Burgensis Eps. con.—Joannes Galagurritanus Eps. con.—Ardericus Palentinus Eps. con.—Martinus Oxomensis Eps. con.—Rodericus Seguntinus Eps. con.—Gundisalvus Secoviensis Eps. con.— Jacobus Abulensis Eps. con.—Joannes Conchensis Eps. con.— Comes Petrus con.—Comes Ferrandus con.—Gundisalvus Roderici con.—Ferrandus Roderici con.—Egidius Gomez con.—Guterius Ferrandi con.—Gonzalvus Nunez con.—Albarus Nunii con.. —Guillelmus Gonzalvez con.—Gonzalvus Gomez con.—Alfonsus Telliz con.—Rodericus Petri Merinus Regis in Castella con.— Petrus Garsie de Loriz Maiordomus Curie Regis. con.—Didacus Lupi de Faro Alferiz Regis con. Magister Mica Domini Regis Notarius, Didaco Garsie existente Cancelario, scripsit.
| |
| Boletín de la Real Academia de la Historia , T. XXXIII. BIBLIOTECA GONZALO DE BERCEO | ||